អ្នកនាំពាក្យក្រសួងការពារជាតិបានចេញសេចក្តីប្រកាសព័ត៌មាននៅ ថ្ងៃនេះឲ្យដឹងថា ក្នុងការវាយប្រហារជាច្រើនលើក ច្រើនសារទាហានថៃបានផ្លោងជាង១០០០គ្រាប់កាលពីថ្ងៃទី២៤ មេសា ម្សិលមិញមកលើកងទ័ពកម្ពុជាដែលឈរជើងនៅតំបន់ប្រាសាទតាមាន់ និងតាក្របី ក្នុងគោលបំណងដណ្តើមកាន់កាប់ប្រាសាទ។
ផ្ទះប្រជាពលរដ្ឋត្រូវបំផ្លាញដោយគ្រាប់ផ្លោងថៃ (រូប៖កម្ពុជាថ្មី)
ស្របជាមួយការវាយប្រហារឈ្លានពានមកលើទីតាំងយោធា ទាហានថៃបានបាញ់ផ្លោងកាំភ្លើងធំច្រើនប្រភេទជាង៣០០គ្រាប់មកលើ ភូមិប្រជាពលរដ្ឋស៊ីវិលក្នុងជម្រៅជាង២០គីឡូម៉ែត្រពីខ្សែបន្ទាត់ ព្រំដែនកម្ពុជា-ថៃ ដែលបណ្តាលឲ្យមានជនភៀសសឹកចំនួនជាង៤៣០០គ្រួសារ ប្រមាណជាង១៧០០០នាក់ភាគច្រើនជាកុមារ និងស្រ្តី។ សាលារៀនមួយខ្នង ផ្ទះប្រជាពលរដ្ឋ១០ខ្នងជាមួយស្រែចម្ការត្រូវរងការបំផ្លាញ។
សេចក្តីប្រកាសព័ត៌មានបានបញ្ជាក់ថា ទោះបីកងទ័ពថៃមានមហិច្ឆតាឈ្លានពានក្នុងគោលបំណងដណ្តើមកាន់កាប់ ប្រាសាទតាមាន់ក្តី ក៏កងទ័ពកម្ពុជានៅតែស្វិតស្វាញតស៊ូប្រយុទ្ធក្នុងសិទ្ធិស្វ័យ ការពារបូរណភាពទឹកដី និងរក្សាបានដដែលនូវចំណុចឈរជើងរឹងមាំ ជាពិសេសប្រាសាទតាមាន់ និងតាក្របី ស្ថិតនៅក្រោមការគ្រប់គ្រងរបស់កម្ពុជាដដែល៕
Post a Comment