សៀមចាប់ផ្តើមវាយប្រហារកម្ពុជាក្នុងថ្ងៃទីបួនដោយប្រើយន្តហោះ ច័ន្ទ 25 មេសា 2011 3:02 PM

ប្រភពពីមន្រ្តីយោធាកម្ពុជាបានឲ្យដឹងថា នៅវេលាម៉ោងប្រមាណ១ និង៤៥នាទីរសៀលថ្ងៃទី២៥ មេសានេះ សៀមបានចាប់ផ្តើមធ្វើការវាយប្រហារមកលើកងទ័ពកម្ពុជាដោយបាញ់ គ្រាប់រ៉ុកកែតចេញពីយន្តហោះចូលភូមិសាស្រ្តចំណុចភ្នំកំព្រានៅខាង លិចប្រាសាទតាមាន់។
ជាមួយនឹងការបាញ់គ្រាប់រ៉ុកកែតចេញពីយន្តហោះ សៀមក៏បានធ្វើការបាញ់ផ្លោងដោយកាំភ្លើងធំជាច្រើនគ្រាប់ចូលមក ក្នុងទឹកដីកម្ពុជាផងដែរ ។
នៅប៉ុន្មានម៉ោងមុននេះ កាសែតកោះសន្តិភាពបានរាយការណ៍ថា កងទាហានសៀមបានឈានទៅប្រើ យន្តហោះ F16 ចំនួន៣គ្រឿង (យន្តហោះប្រយុទ្ធ) ទម្លាក់គ្រាប់បែកផង និងមានការបាញ់កាំភ្លើងគាំទ្រពីទ័ពថ្មើរជើងសៀម ផង មកលើទីតាំងខ្សែត្រៀមរបស់ទាហានកម្ពុជា នៅតំបន់ប្រាសាទតាក្របី តំបន់ថ្មដូន និងរាលដាលជិតដល់តំបន់ប្រាសាទតាមាន់ធំ ស្ថិតក្នុងឃុំគោកមន ស្រុកបន្ទាយអម្ពិល កាលពីវេលាម៉ោងប្រមាណ២រសៀលថ្ងៃទី២៥ មេសា ២០១១ ។
កាសែតសរសេរទៀតថា មន្ត្រីយោធាកម្ពុជាឈរជើងនៅខ្សែត្រៀមជួរមុខ បានឱ្យដឹងជាជំហានដំបូងថា យន្តហោះ F16 របស់ទាហានសៀម៣គ្រឿង បានហោះហើរលើខ្សែបន្ទាត់ព្រំដែនក្នុងទឹកដីកម្ពុជា ហើយទម្លាក់គ្រាប់ពី៦ទៅ៨គ្រាប់ មកលើទីតាំងយោធាកម្ពុជាឡើងកក្រើកព្រៃ រង្គើដី ប៉ុន្តែមិនចំគោលដៅទេ… លើសពីនេះទៀត យន្តហោះដដែលបានហោះឆ្វែលដេញបាញ់រថយន្តដឹកស្បៀង របស់ទាហានកម្ពុជាយ៉ាងតក់ក្រហល់ ប៉ុន្តែមិនចំគោលដៅ ៕
៕