ក្តី
រំពឹងនៃការច្របាច់បញ្ចូលគ្នារវាងគណបក្សសមរង្ស៊ី
និងសិទ្ធិមនុស្សត្រូវរលាយបាត់ជាបណ្តើរៗពី
អារម្មណ៍របស់ប្រជាពលរដ្ឋខ្មែរដែលប្រាថ្នាចង់
ឃើញការរួបរួមគ្នារវាងគណបក្សប្រជាធិបតេយ្យ
ទាំងពីរ ។ភាពអស់សង្ឃឹមនេះ បានកើតឡើងបន្ទាប់ពីគណបក្សសិទ្ធិមនុស្សបានផ្ញើចេញនូវសេចក្តី ប្រកាសព័ត៌មានបន្ទាន់មួយនាថ្ងៃទី១៩ មេសា ដោយចោទថា គណបក្ស សម រង្ស៊ី គ្មានចេតនាបង្រួបបង្រួមពិតប្រាកដ ។ សេចក្តីប្រកាសព័ត៌មាននេះត្រូវបានគេមើលឃើញថាជាសញ្ញា បង្ហាញអំពីភាពមិនចុះសំរុងគ្នារវាងគណបក្សនយោបាយប្រឆាំងទាំង ពីរ។
ទោះជាយ៉ាងនេះក្តី ក្រុមអ្នកតាមដានសភាពការណ៍នយោបាយនៅកម្ពុជាមួយចំនួន រាប់ទាំងលោកមឿង សុន ដែលបានលាចេញពីគណបក្សសមរង្ស៊ីទៅហើយក្តី បានមើលឃើញថា គឺគណបក្សសិទ្ធិមនុស្សរបស់លោកកឹម សុខា ទៅវិញទេ ដែលប្រើឧបាយកលក្នុងការចរចាបណ្តើរ និងដណ្តើមយកសមាជិកចុះចូលពីដៃគូរដែលខ្លួនកំពុងធ្វើការជាមួយ បណ្តើរ ជាពិសេសគឺការទទួលយកលោក ម៉ៅ មុន្នីវ៉ាន់ អតីតអ្នកតំណាងរាស្ត្រគណបក្សសមរង្ស៊ី និងក្រុមការងាររបស់លោកជាង១០នាក់ កាលពីពេលថ្មីៗនេះ ។
នៅស្របពេលជាមួយគ្នានេះ ក៏មានមនុស្សមួយចំនួនគាំទ្រសកម្មភាពរបស់គណបក្សសិទ្ធិមនុស្សដែរ ដោយពួកគេលើកឡើងថា ការចរចា គឺជារឿងមួយដោយឡែក ឯការបង្កើនសមាជិកសំរាប់បក្សរបស់ខ្លួនគឺជាកត្វកិច្ចដែលត្រូវតែ ធ្វើជាចាំបាច់ ។
គណបក្សទាំងពីរបានចាប់ផ្តើមធ្វើការចរចាជាមួយគ្នាច្រើនដង ណាស់មកហើយ ចាប់តាំងពីឆ្នាំ២០០៨ មក ។ រហូតមកទល់ពេលនេះ គណបក្សទាំងពីរនៅតែមានការខ្វែងទស្សនៈគ្នា និងមិនអាចបង្រួបបង្រមគ្នាបាន ៕
Post a Comment