នាយករដ្ឋមន្រ្ដីសៀមមានផែនការជួបជាមួយ ហ៊ុន សែន ឱកាសកិច្ចប្រជុំអាស៊ានខាងមុខ

By Cambokhmer Daily on 4.25.2011

ច័ន្ទ 25 មេសា 2011 2:50 PM

កាសែតបាងកកប៉ុស្ដិ៍របស់សៀមបាននិយាយឲ្យដឹងនៅថ្ងៃចន្ទនេះ ថា នាយករដ្ឋមន្រ្ដីសៀម អាប់ភីស៊ីត វីចាជីវ៉ា មានផែនការជួបជាមួយនាយករដ្ឋមន្រ្ដីខ្មែរ ហ៊ុន សែន នាឱកាសកិច្ចប្រជុំអាស៊ាននៅហ្សាការតាប្រទេសឥណ្ឌូនេស៊ីថ្ងៃទី៧-៨ ខែឧសភា ខាងមុខជាលក្ខណៈទ្វេភាគីស្ដីពីជម្លោះព្រំដែនរវាងប្រទេសទាំងពី រដែលកំពុងតែធ្លាក់ក្នុងសភាពក្ដៅគគុក។

នាយករដ្ឋមន្រ្តីខ្មែរ ហ៊ុន សែន និងនាយករដ្ឋថៃ អាប់ភីស៊ីត ជួបគ្នាកន្លងមក

មន្រ្ដីអ្នកនាំពាក្យរដ្ឋាភិបាលលោក ខៀវ កាញ្ញារីទ្ធ បាននិយាយថា រដ្ឋាភិបាលពុំទាន់បានដឹងពីផែនការនេះរបស់នាយករដ្ឋមន្រ្ដីសៀមនៅ ឡើយទេ។ ប៉ុន្ដែយ៉ាងណាក៏ដោយក្រុមមន្រ្ដីខ្មែរបាននិយាយថា ជំនួបដើម្បីពិភាក្សាស្ដីពីទំនាស់ព្រំដែនរវាងប្រទេសទាំងពីរមិនអាច និយាយគ្នាតែពីរភាគីបានទេ គឺត្រូវតែមានការចូលរួមពីភាគីទី៣នោះគឺតំណាងពីប្រទេសឥណ្ឌូនេស៊ី បន្ទាប់ពីការចរចាតាមរយៈយន្ដការទ្វេភាគីបានបរាជ័យអូសបន្លាយអស់ រយៈពេលជាង៣ឆ្នាំទៅហើយនោះ៕